welocme home www.robertalanjamieson.info translations
Aðalsteinn
Ásberg Sigurdsson 
ANUNDIR
BLOOHIEVIN
fae da Yslaandik
Ploied me wie de
ati'da girss
kiejittlin
laek a sunbem
brunt
wie upstier
laaghin
wie laangin
a burn rinnin
t'da shoormil.
Ploied wie jun boo a'myn
apo jun fiddil a'dyn
diep chöns
ati'da djooie girss
til da sun kam
up apo
an da piktir a'da nyght
stød still an stark
ae pierie staairt
anundir bloohievin.
YSLAAND
fae da Yslaandik
Jun kaald wintir
wir haemtoons kamlaek ys
sae'at ju kood skaet ju
atwien krofts.
Fir laang kloodie daes
we wid ploy
apo da grienie-bloo
kiekin-gless
makkin an ikspress-traen
oot a’aa da slaedchis.
Quhan we wir wun hem
da fyr
ati'da shienie-blakk
stoav
hit's doar set oppin
an da waarmt straemd oot
t'tow aff a’aa da
taes an fingirs.
D'smael a'haet koko
Febrooir-mirk
an klaes dryin pieriewys.
We aaind a mukkil
boontiefil yslaand
dat kaald wintir.
FØL-PROOFIN
fae da Yslaandik
D’strien
haerd I agen
a hael-hawst a'aenchils
heft dim t'flie.
Soondliss I raes
Up oot a’jun bøl a'myn
skojietit trow da
bon-frost winnik.
Njoo-faain snaa
ati'da jaeird
fit-maerks a'fools an
quhan I bettir gaand
maerks a'aenchils
plen enjogh t'sie
fir der wings
dae hed rumpilt
da quhyt ooie-blankit.