WELCOME    HOME   www.robertalanjamieson.info   translations 

Riina Katajavuori  

A KNYT'S LAEVTAKKIN          fae da Suomie

A prinsess’is kum t'waejiev a knyt aff.

Niest da prinsess, d'ir a hors's ers.

Da prinsess haes ien onlie fir d'knyt.

An da leddie's luv

wis onlie bøn a fysh -

(Foo hit rielie is, da prinsess sies
men apo gaaloos da noop a'da bojie’s nekk agenst  da skrub da kassil

ataap da hill da raam ahint hir draagins skaelietins lizirds

apo da shoar owir fae dim an da hors's ers.)

Da knyt vows t'kum bakk sjortlie,

He haes a disjaaskit paallir.

(Ati'his toghts, da man wis stød afoar dis

apo a fremmit shoar.)

Da gaer wid aa bie trig da kroo reddie

t'wielkum saat apo der faesis.

Quhitwy's da prinsess quhaar shö staands?

Apo da shoar, dugs skrit da laand

an gaan t'waards da limit a'da ien.

PANIRAAMIK                              fae da Suomie

A quhyt-waasht waa, pierie winniks

aadvint kalindir kiekhols at da hintir-end a'mirk

                          lyghtit skwaeirs

Aen twa trie kietchins waakin at sievin

ilka tenint boos dim owir a kettil a'grooil

ida burblin koffiemakkir's soondskaep,

oppins da fridch

sies du da huntir huntin: lat's spieir jun joagirt

an da bieldien owirby witnissis aa dis

kynda publiek gjaaiens-on

daedim's draain a'koortiens, slokkins a'da lyghts,

baerns at d’briest i’da hert a'nyght. Winniks njoosin.

A lyght kums on at twa fiftie-fowir a.m.

- Quhit's da maetir noo?

Is sumien tinkin a'da fool she ran inati’ati'da kirkjaeird?

Trow d'dae, da tenints stramp da toon ati'da mirl a'fokk

an ilk'aen kerries wie dim a faerlie lokkit-in hem-toon,

saxtie mietirs skwaeir,

'at fullie-fills baeth mynd an hert -

sood I by wis a rug t'lae ati'da koarnir a'da poarch

quhan'll we fin tym t'hing njoo paepir

ir dae faerin owir wiel bakk jondroo

ir da ootby lyghts on quhit maet'll I makk wis d'dae?

nevir myndit t'baal oot jun sprootit taaties.

Kum d'nyght, bakk hem, lyghts on, tellie gjaain

fied da sprogs, redd trow chunk-mel

aen streghtins da koontirpen, aniddir dös naethin

sloochis hir apo da kietchin taebil, sinks,

                                  bit eftir a staairt

shö rysis iswiel an gjings, mebbie,

t t'lae hir oot apo hir bed.

TROO-TAEL DAUR-DE              fae da Suomie

Da hømin, an da lassis ir

piestirin taels

ment-bit-no-ment

da hint-saets a'kaars.

Owir monie, owir fjoo.

Aen oags ati'da simmirhoos, inatill a niebir-bøl

anundir a pierie kysjie med a'roddin-berrie staaks

quhaar da graet aedchis die.